*台中超值pre-wedding~Masalili~溝通+造型+拍攝日花絮*~台灣VS韓國PW體驗感想 @ 瑪莎文化創意婚紗館masalili

14120203

沈晚我由台中飛回來啦! 已經急不及待打blog向各位wow位分享下我呢次台中婚照拍攝的感受啦!!

今次既旅程覺得好滿足, 因為3日的婚攝過程都好順利, 好smooth, 最重要係呢次婚攝帶比我一個好窩心好溫暖的體驗~~~

整體安排上跟我之前去韓國的pw體驗大不同~~ 點解咁講呢?

等我詳細寫比各位wow友睇下啦~^^

出發前
之前一篇Blog都有提到masalili 一直都好貼心地透過sms及masalili網上會員平台向我發出拍攝提醒~

大約於拍攝前一星期,輪到我要做點功課啦~
在網上平台我要填寫一份與攝影師的 “攝影溝通單”表格, 目的是為了讓我的攝影師了解我希望拍攝的婚照風格, 相片效果, 造型偏好, 必拍道具等等~

竟然有如此好機會我當然就不客氣寫下我超歡的東東啦~~這些都是我的要求:

風格: 唯美, 柔和, 自然, 喜愛拍一些特寫
色調: 淡彩, 朦朧
造型: 高貴, 清雅 (盡量避免可愛造型)
道具: 氫氣球, 單車, 木馬

出發前我的客服Becky一直叮囑我要列印住宿劵, 還有一個清單list哂我們需要攜帶的物件~交通指示亦很清淅, 如由機場到酒店, 酒店到masalili的方法及車費等, 資料齊全, 這一點連我男友都大讚masalili做得很好, 慳番好多我們搵路的時間~

與韓國pw大不同(一): Salon, 禮服部及Studio設於同一building內

我地準時5pm到達masalili門市, 一到步就立即被吸引住了!!
因為我都無諗過原來masalili的門市這樣大規模~樓高幾層, 面積好大, Salon, 禮服部, Studio全部於同一幢building內~呢一點同韓國pw是大大不同的~
所以的確慳左唔少時間!

可能台灣人是特別熱情, 也可能因為大家言語上溝通得到, 一進入店子, 每位職員都會跟你聊天, 熱鬧地招待你, 第一個感覺已很良好~ 好快就帶左我地上2樓禮服部~

揀衫日
與韓國pw大不同(二): 上百件婚紗晚裝任你揀任你試

嘩嘩嘩!!好大呀!!好多衫呀!!!!!

我籌備婚禮的呢段時間, 真係未去過咁大地方揀衫, 婚紗及晚裝都分開兩邊, 咁壯觀揀衫過程真係令我呆左~~(請原諒我大鄉里XDD)

Masalili選衫及揀衫部份係完全無限件數, 只需要於原定7pm與攝影師溝通前選好就可以了!

換言之, 即係我可以2小時任揀任試!!!

女仔嘛…當然三心兩意, 左試右試係在所難免的~
所以我亦豪不客氣試到喜歡為止XDD

而masalili內的婚紗晚裝配搭都好flexible, 例如包3套衫, 你可以自由選配1件婚紗+2件晚裝, 或2件婚紗+1件晚裝 etc~

對住咁多靚衫可以任揀, 呢一刻女仔一定會覺得自己好幸福~~

試身間都超大的!!! 幫我揀衫換衫的小姐都好有耐性, 又會給我建議, 真的要再謝謝她~

不過我揀的婚紛都偏大, 未修改前, 都著不出線條效果~~

試左好多件呀, 只好放某部分比大家睇睇~

揀好衫後, 佢就幫我度身~
第2天早上就再來到final fit~

攝影師溝通
與韓國pw大不同(三): 直接與攝影師溝通拍攝效果

揀好衫後, 我地就坐番去會客的區域等攝影師了~
我們的攝影師拎著我一星期前填寫好的攝影溝通單來見我們

這位就是我們的攝影師Amber, 很年青很型格吧~XDAmber很細心的每項細點跟我們溝通, 確定我們希望得到的效果, 還會即時打開電腦內的自己的作品俾我地參考, 了解我們的接受程度及風格~

道具方面, 氫氣球需要加錢訂, 大約5-600台幣, 我們覺得也不一定需要就無加錢了~
而我亦提出我自備了道具希望拍攝, Amber都記下了, 而且也記下了我必定要拍的場景~這點跟韓國一樣, 讓我很放心~~

最後Amber問我地有無什麼特別的想拍, 我跟男友無咩idea, Amber就提議我們試下影一點不一樣的婚照, 就是Cool Cool的!

我同男友真係未試過cool cool的路線架~我們都係一向笑哈哈的~
所以不妨一試呀!

決定左整個拍攝風格大綱後, 就可以安心去逛逛夜市!!
無錯!!我地無乖乖去早休息, 無乖乖地只食輕食, 來到台中, 當然要把握機會食盡夜市啦!!
拍攝前一晚我地2am先訓~~XDDD

拍攝日
與韓國pw大不同(四): 無萬能姨姨跟拍, 由攝影師親自轉髮型補妝

第2天10am再次來到masalili門市, 10am這個時間比起我韓國pw的4am出發實在好太多了!!! 雖然2am才睡, 但還是精神滿滿的!

一坐下就先有助理小姐幫我final fit, 穿上我帶過來的nubra, 試穿前一天揀好的服裝~確定好size ok後, 就穿上紫色晚裝~

因為拍攝路線是先於Studio內影內景, 因為化好妝後約中午12點, 外景會好熱好曬, 所以通常會先拍Studio~
然後助理小姐細心的幫我全身查上遮瑕液, 我是第一次查, 覺得不錯喔, 查上後皮膚好似滑了!等我都買枝bday查先~~

之後就去造型了~~
造型師Judy很nice~~~一開始會很細心聽我的要求~~喜歡的造型, 想試的她都會幫我試試看~~

然後一邊造型, 一邊跟我聊天~~時間很快就過去了~~
大約1個多小時, 就完成好第一個造型~~~Judy快手之餘, 我都好喜歡個妝同埋髮型~~

Becky之前已跟我提過,masalili的造型師是不會出外景跟拍的, 如果要跟拍, 就需要另外加錢~~
不過Becky也叫我不用擔心, 因為造型師會跟攝影師溝通好, 在外影時, 需要男朋友幫忙換衫, 轉裝後會由攝影師換裝, 攝影師助理亦會幫忙補妝等~所以其實造型師不跟拍也沒太大關係~
事後, 當然我之前的擔心也是多餘的啦~~~

我男友都化好妝gel好頭~~準備好影相~~~

呢個時候, 突然Amber改變行程, 話出去影外景先~~

點解呢???
原來Amber話看天氣有點黑黑的, 怕會下雨, 所以就調轉行程, 先出去外影, 希望下雨前完成戶外的拍照, 才再回來影Studio!

那刻我真的很欣賞佢呢!! 做攝影師真的不忘要看天啦~下雨影相真係好影響心情, 而且還會搞到好污糟~~!! 而且戶外景的確有陽光會令張相更靚!!

於是我地即刻轉婚紗造型~再快快坐上masalili的專車出發了!!!

與韓國pw大不同(五): 攝影師會即時分享相片效果

花了1個多小時車程, 在車上我們享用masalili安排好的三文治及飲料, 跟Amber聊了很多, 由拍攝風格到台灣文化, 由讀書聊到當起攝影師, 大家都對彼此了解多了~~
來到Marry Me Hill攝影場地, 的確有好多好多唔同的場景好豐富~~

不過就算回到港後呢一刻, 在我腦內的只有兩個字 --- 熱 + 蚊!!

實在太太太熱, 我好像流了一年要流的汗似的!!!
我本身好惹蚊, 事前我已經查左好厚的拍蚊水, 點知仲係不停比蚊咬, 一邊忍痕, 一邊又要笑, 實在係新娘子的一大痛苦!!

但我們辛苦, 都不及攝影師及助理哥哥辛苦, 佢地要拎住大相機, 反光版, 又走來走去, 幫我擺裙, 拿道具, 印汗, 等等…….這些我們都看在眼內, 十分感激!!

但有一點令這個拍攝過程覺得舒服的是除了換上短裙子外, 我都是穿拖鞋的~~
所以我簡直係箭步如飛!! 毫無腳痛~~

韓國pw因為有翻譯小姐在旁不用當攝影助理, 所以可以不停幫我地用手機拍下花絮, 但masalili的助理哥哥已經很忙很多東西要拎, 所以就靠我男友一有空閒就幫我拍攝~~所以花絮並不多~~^^

還有一點值得提的是, 我覺得Amber比起我於韓國pw的攝影師更嚴格!!
手, 腳, 腰, 頭, 笑容, 每一個動作Amber都很有要求!!
當然, 有要求才好~~嚴格才能出到好作品~~

拍攝期間, Amber都一直有問我地有什麼場景喜歡, 就同佢講佢會幫我地影~~
中途休息時還買了可樂比我地補充體力!!(感動!) 但明明最辛苦的係佢地呢~~><

而有空檔的時間, Amber都會將部相機俾我睇番相片效果~~
影完Marry Me Hill, 就回到masalili影Studio~

*********************************************************************

再次見到造型師Judy, 因為要影cool cool的相片, 所以Judy幫我化了濃一點的妝容~~