♥ 台中超窩心超值pw(一)~溝通+試衫篇~ 有成層衫俾你揀!!!♥ @ 瑪莎文化創意婚紗館masalili

KONEKO
第一次正式PW，終於完成了~ 而且感覺非常好+開心!!
除了相片都很滿意之外，成個過程都覺得很窩心，因為他們的服務真的非常好!!!

分享返第一篇：溝通+試衫篇俾大家先~

已經收到相啦~~~ 想睇另外兩篇 / 睇成品 : "攝影日+揀相篇" ，"收相篇" 請按以下LINK~~

♥ 台中超窩心超值pw(二)~攝影日+揀相篇~ 攝影師同助理都識set頭?! ♥ (按我)

♥ 台中超窩心超值pw(三)~收相篇~ 令人回味既開心回憶* (多相!!)♥ (按我)

我地一到台中，就搭的士去masalili提供的酒店(黎客商旅)放低行李，
食完野後再搭的士過去~ 大約NT200左右啦^^

我地4pm到達masalili門市，一落車已經覺得叮一聲，好靚﹗好高~
可能因為香港地方細，比較少見，唔expect一間婚紗公司既門面會咁大咁靚~
一入到門口，佢地已經用好親切既笑容去招呼你，呢點同我另一間台北既pw公司好唔同，
佢地係好熱情的~令你有賓至如歸的感覺~

入到去，估唔到除左門口靚，入面仲靚~~ 即刻有種好high class既感覺 ﹗
入面樓高 4層，將門市、禮服部、化妝間、Studio 集合埋一齊~

通常外國旅客都係先溝通後揀衫~
因為要等攝影師外影完返黎先同你溝通。
我就係 4pm 揀衫，7pm 溝通的。
等左一陣confirm好左張單後，就上左2樓禮服部揀衫啦。

上到禮服部，第一個感覺係「嘩」一聲，嘩﹗好大呀﹗
係香港試左咁多次衫，好似都未試過有成層衫俾我揀~~ 即刻覺得好興奮﹗
佢將晚裝同婚紗分開左兩邊~

貼牆放既都係唔需要加任何費用的~
係掛係中間個D，同埋呢幾件先需要額外收費。

但當然，你也可以選擇呢D去試左先，到你真係confirm要用時，先會收額外收費

值得留意既係，masalili 係無限你試幾多件的~~!!
即係話你鐘意試幾多件都得~~~!!!
只要你唔好撞其他人試衫，同埋係同攝影師溝通前決定好就OK~
佢基本上有1.5 Hours比你試，但其實我都試左2hrs...
女仔都係心大心細唔知揀邊件好，所以試完後揀左好耐 XDD
揀完衫就黎到試身室，個試身室都好大的 !!